Almaty qalasynyń máslihaty qalada beibit jiyndardy uiymdastyryp, ótkizetin oryndardy bekitti, dep habarlaidy "Ult aqparat".
«Qazaqstan Respýblikasynda beibit jiyndar, mitingiler, sherýler, piketter jáne demonstratsiialar uiymdastyrý men ótkizý tártibi týraly» jańa zań 6 maýsymda kúshine endi.
Osyǵan bailanysty sessiia sheshimmen miting ótkizý úshin arnaiy 3 oryn jáne sherý men demonstratsiia úshin birneshe baǵyt belgilendi.
Miting ótkizetin oryndar:
Mahatma Gandi atyndaǵy saiabaq;
«Saryarqa» kinoteatrynyń artyndaǵy gúlzar;
«Shoqan Ýálihanov» atyndaǵy gúlzar;
Sherý men demonstratsiia ótkizetin baǵyttar: «Shoqan Ýálihanov» atyndaǵy gúlzardan bastap Shevchenko kóshesiniń boiymen Mahatma Gandi atyndaǵy saiabaqqa deiin.
Sonymen qatar, «Qazaqstan Respýblikasynda beibit jinalystar, mitingiler, sherýler, piketter jáne demonstratsiialar uiymdastyrý men ótkizý tártibi týraly» Zańnyń 9 babynyń 5 tarmaǵynda kózdelgen obektilerdiń irgeles aýmaqtary keminde 150 metr araqashyqtyq shekaramen aiqyndaldy.
Sheshim Konstitýtsiiada belgilengen Qazaqstan azamattarynyń beibit ári qarýsyz jinalý, jinalystar, mitingiler men demonstratsiialar, sherý jáne piketteý ótkizý quqyǵynyń iske asyrylýyn qamtamasyz etýge baǵyttalǵan.
Búgin Almaty qalasy máslihatynyń kezekten tys 63-sessiiasynda bul joba maquldanyp, Almaty qalasynyń Ádilet basqarmasyna tirkeýge jiberildi.
