Almatyda metro men saýda ortalyǵynda prank jasaǵan jigit 10 táýlikke qamaýǵa alyndy, dep habarlaidy QazAqparat.
Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynda azamat A-ǵa qatysty ákimshilik isi qaraldy.
Sotpen anyqtalǵany, azamat A. «Mega Senter» oiyn-saýyq ortalyǵynda qoǵamdyq tártipti jáne jeke tulǵalardyń tynyshtyǵyn buzyp, ústindegi kiimin sheship tastap, prank jasap, video túsirgen, iaǵni ústeldiń ústine shyǵyp qatty daýyspen aiqailaǵan, osy áreketterimen ainalasyndaǵylardyń narazylyǵyn týdyrdy.
Sot barysynda azamat A. óziniń ákimshilik quqyq buzýshylyq jasaǵany úshin kinásin tolyq moiyndap, jasaǵan is áreketine ókindi.
Sot oǵan 10 táýlik merzimge ákimshilik qamaýǵa alý túrindegi ákimshilik sharasyn taǵaiyndady.
«ÁQBtK-niń 434 baby 1 tarmaǵy boiynsha usaq buzaqylyq, iaǵni qoǵamdyq oryndarda bylapyt sóileý, jeke tulǵalarǵa qorlap tiisý, turǵyn úi-jailardy qorlaý jáne ainalasyndaǵylarǵa syilamaýshylyqty bildiretin, qoǵamdyq tártipti jáne jeke tulǵalardyń tynyshtyǵyn buzatyn basqa da osyndai áreketter- bes ailyq eseptik kórsetkish mólsherinde aiyppul salýǵa ne on táýlikke deiingi merzimge ákimshilik qamaqqa alýǵa ákep soǵady», - dep túsindirdi Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty.
Qaýly zańdy kúshine engen joq.
