Almatyda metro beketi mańynan oq-dári tabyldy, - dep habarlaidy Tengrinews.kz tilshisi Polisia.kz saityna silteme jasap.
Quqyq qorǵaý organdarynyń málimetinshe, 28 qańtarda tústen keiin politsiia qyzmetkerleri "Abai" beketine jaqyn aýmaqty tekserip shyqty. Jarylǵysh zattardy izdeýge úiretilgen qyzmettik-izdestirý iti iis sezip, seriktesin shyrshalary bar alleiaǵa alyp keldi. Biriniń astynan eki granata jáne Kalashnikov avtomatynan 30 oq-dári tabyldy.
"Oq-dárilerdi is júrgizý tártibine bailanysty Medeý aýdandyq Politsiia basqarmasynyń jedel-tergeý toby tárkiledi. Oqiǵanyń mán-jaiy tekserý barysynda anyqtalady", - dedi Politsiia basqarmasynyń bastyǵy Erik Nasyrbekov.
