Almatynyń Bostandyq aýdanynda ornalasqan Nur-Múbarak meshitiniń kúzetshisi 18 jastaǵy jigitti zorlady degen kúdikke ilindi. Ony qalalyq politsiia ustady, dep habarlaidy "Ult aqparat".
Bul týraly tanymal advokat Aiman Ýmarova Facebook-tegi paraqshasynda jazdy.
"Men Bostandyq aýdanynyń politsiia basqarmasynda júrmin. Biz eseńgirep qaldyq. Munda kúzetshi jynystyq zorlyq kórsetken bozbala men onyń anasy keldi. Jigit 18 jasta, onyń damýynda sál-sál kidiris bar, alaida ol qabiletti jáne ne bolǵanyn búge-shigesine deiin aityp berdi", - deidi Omarova.
Jas jigittiń aitýynsha, "kúzetshi ony meshittegi bólmesine aparyp, qol-aiaǵyn bailap, uzaq ýaqyt boiy ustap, azǵyndyq áreketke barǵan. Ol muny birneshe ret jasaǵan", dedi Omarova.
Al, politsiia departamentiniń málimetinshe, atalǵan fakt boiynsha aryz 8 shilde kúni Bostandyq aýdandyq politsiia bólimine tústi.
«Is sotqa deiingi tergeýdiń biryńǵai tiziliminde QR Qylmystyq kodeksiniń 121-baby (jynystyq sipattaǵy zorlyq-zombylyq) boiynsha tirkeldi, sot-meditsinalyq saraptamasy taǵaiyndaldy. Kúdikti 1975 jyly týǵan K. esimdi azamat qazir politsiia bóliminde. Profilaktikalyq sharany tańdaý máselesi sheshilýde», - dep habarlady politsiiadan.
Politsiia deparatamenti atap ótkendei, óndiris aiasynda qajetti tergeý jedel is-sharalar keshenin ótkizý josparlanyp otyr. «Tergeý amaldary tolyq, jan-jaqty jáne obektivtilik qaǵidattaryna sáikes júrgiziledi», deidi politsiia qyzmeti.
