Almaty qalasyndaǵy "Rýbej" statsionarlyq beketteriniń birinde politsiia qyzmetkerleri kúdikti kólikti toqtatyp, onyń júksalǵyshynan qarýǵa uqsas zattardy tárkiledi, dep habarlaidy ult.kz.
Qalalyq politsiia departamentiniń málimetinshe, Mercedes avtokóligin 45 jastaǵy er adam basqarǵan. Tekserý barysynda kóliktiń júksalǵyshynan qurylymy jaǵynan atys qarýyna jáne arnaiy quraldarǵa uqsas birneshe zat anyqtalǵan.
Jedel beinejazba kadrlarynan Kalashnikov avtomatyna uqsas qarý, tapansha, pyshaq, kastet jáne basqa da zattardyń tabylǵany baiqalady.
Atalǵan derek boiynsha qylmystyq is qozǵaldy. Qazirgi ýaqytta tárkilengen zattardyń naqty shyǵý tegi men qoldanylý maqsatyn anyqtaý úshin sot-ballistikalyq saraptama taǵaiyndalǵan.
Tergeý amaldary jalǵasyp jatyr.
