video kadry
Almatyda Mercedes bólshekterin urlaý derekteri jiilep ketti, - dep habarlaidy Tengrinews.kz portaly.
Urlyq derekteriniń biri "Aqbulaq" (Momyshuly – Rysqulov) jáne Alǵabas turǵyn úi kesheninde bolǵan.
"Bizdiń aýdanda ekinshi ret tonaý boldy. Alataý aýdany. Kólem ólshegishin, akkýmýliatordy sheship alǵan, myna jerde kompiýter bolǵan. Bárin alyp ketti. Júrgizýshi birinshi ret urlanǵanda, ony satyp alyp qaita salǵan, endi bir aptada ekinshi ret tonap ketti. Kólem ólshegishter - "Mersedesten" sheship alýǵa bolatyn eń qymbat bólshek. Bul bizdiń aýdanda birinshi ret emes. Qazirdiń ózinde 4-5-jaǵdai. Politseiler bir aptada ekinshi ret keldi. Eshteńe istemeidi, áreket etpeidi", - deidi er adam tonalǵan Mercedes-ti videoǵa túsirip.
Almaty qalasy Alataý aýdandyq Politsiia basqarmasy málimetinshe, bul derek QR Qylmystyq kodeksiniń 188-baby boiynsha sotaldy tergep-tekserýdiń biryńǵai tizilimine tirkelgen.
"Osydan 3-4 kún buryn Alataý óńirinde Mercedes kólikterinen kólem ólshegishterin urlaýmen ainalysqan qylmystyq top áshkerelendi. Qazirgi ýaqytta kúdiktilerdiń osyǵan uqsas úsh epizodqa qatystylyǵy dáleldendi. Sonymen qatar, bótenniń múlkin urlaýmen ainalysatyn ózge de adamdardy anyqtaýǵa baǵyttalǵan jedel is-sharalar kesheni júrgizilip jatyr. Arnaiy tergeý-jedel toby quryldy", - dedi Almaty politsiiasynyń baspasóz qyzmeti ókilderi.
