29 jastaǵy Almaty turǵyny adamdarǵa memlekettik baǵdarlamamen arzan ári tez úi alyp beremin dep aldaǵan, dep habarlaidy "Ult aqparat".
Bul qyzmeti úshin ol 1,5 myń AQSh dollaryn suraǵan.
Qazir kúdiktige qatysty 20 shaqty epizodtyń basy ashyldy.
«Ózin ipotekalyq kompaniialardyń biriniń ókilimin dep tanystyrǵan er adam memlekettik baspanaǵa kezekti jyljytyp beremin dep ýáde etken. Oǵan sengen adamdar baýyrlary men tanystaryn ákelgen. Kórsetken qyzmeti úshin ár adamnan 750 myń teńgeden kem emes aqsha alǵan. Aldanǵandar baspanaǵa qol jetkize almady.
Qazir ýaqytsha oqshaýlaý ornyna qamaldy. Oǵan qatysty QR QK 190- baby boiynsha (Alaiaqtyq) is qozǵaldy. Osy adamnyń is áreketinen zardap shekken adamdar bolsa 254-48-02; 254-48-09 nómirlerine habarlasýlaryna bolady», – dedi Medeý aýdandyq basqarmasynyń basshysy Dáýren Ýtebaev.
