Almatyda «Mektepke jol» aktsiiasy aiasynda Nur Otan partiiasynyń Almaty qalalyq filialy qaiyrymdylyq kórsetýdi bastady, dep habarlaidy "Ult aqparat".
«Bul aktsiia 2008 jyldan bastap elimizdiń barlyq óńirlerinde jyl saiyn ótkizilip keledi, onyń bastamashysy Elbasy, Partiia kóshbasshysy Nursultan Nazarbaev boldy. Biylǵy jyl biz úshin de ońai bolmady, sondyqtan ta áleýmettik osal sanattaǵy almatylyq oqýshylarǵa qoǵam jáne partiia belsendileri men metsenattardy tarta otyryp járdem jasalmaq. Bul aktsiia elimizdiń Táýelsizdiginiń 30 jyldyǵy aiasynda ótedi jáne mektep oqýshylaryn patriottyq tárbieleýdiń bir bóligi», - dedi partiianyń Almaty qalalyq filialy tóraǵasynyń birinshi orynbasary Qairat Bisembaev.
Biyl qaiyrymdylyq aktsiiasy Nur Otan partiiasynyń belsendileri men qalalyq máslihat depýtattarynyń qoldaýymen ótedi. Partiianyń qalalyq filialy mektepke qajetti quralmen jabdyqtalǵan 3000-ǵa jýyq sómke almatylyq oqýshylarǵa tabystaidy.
Osy oraida metsenat, qalanyń belsendi turǵyny, máslihat depýtaty Erbolat Qasymov 100-den astam otbasyǵa mektep quraldaryn, otandyq óndirýshiniń mektep formasyn satyp alýǵa sertifikat berý týraly sheshim qabyldady.
Jańa oqý jylyna arnalǵan syilyqtar turǵyndarǵa sanitarlyq erejelerdi saqtai otyryp, birtindep beriledi.
