Almatyda JOO jáne kolledjderde oqyǵan jastar infektsiialyq statsionarlarda óndiristik jáne jazǵy praktikadan ótetin bolady. Bul týraly Almaty qalasy Joǵary meditsinalyq kolledjiniń direktory Svetlana Sultanǵazieva onlain brifing barysynda aitty, dep habarlaidy QazAqparat.
«JOO jáne kolledjderde oqyǵan jastar infektsiialyq statsionarlarda óndiristik jáne jazǵy praktikadan ótetin bolady. Sondai-aq, JOO-nyń internderi, rezidentteri, stýdentteri jáne professorlyq-oqytýshylyq quramy tartyldy. Mysaly, patsientterdi baqylaý ortalyǵynda professorlar men oqytýshylar quramy jumys isteidi. Volonterlerden júk tieýshi, júrgizýshi jáne taǵy basqa retinde tartylatyn quram jinaqtaldy», - deidi Svetlana Sultanǵazieva.
Onyń aitýynsha, meditsinalyq JOO men kolledj túlekteri úshin birqatar tiimdi shara qabyldanǵan. Iaǵni maman sertifikattaryn alý, jumysqa qabyldaý jeńildetilgen (qujattar sany azaityldy), infektsiialyq statsionarlarǵa jumys isteýge ruqsat retinde COVID-19 oqytý boiynsha sertifikattar jaramdy bolyp tabylady.
«Stýdentter úshin motivatsiiany arttyrý, mysaly, rezidentýraǵa konkýrstan tys qabyldaý sharasy qolǵa alynǵan»,– dep atap ótti spiker.
