Almatynyń meditsinalyq mekemelerine koronavirýs saldarynan paida bolǵan ókpe aýrýyn emdeý úshin 17 ókpeni jasandy jeldetý apparaty tabystaldy, dep habarlaidy "Ult aqparat".
Almaty qalasy ákimdiginiń suranysy boiynsha koronavirýstyq COVID-19 indetiniń aýyr zardabyn boldyrmaý maqsatynda QR «Atameken» ulttyq kásipkerler palatasy prezidiýmynyń tóraǵasy Timýr Qulybaev jáne biznesmen Qairat Boranbaevtyń qoldaýymen ókpeni jasandy jeldetýdiń 17 statsionarly jáne mobildi apparattary satyp alyndy.
Bul apparattar Qazaqstanda Hamilton Medical AG (Shveitsariia), Puritan Bennett (Covidien, AQSh) óndirýshi kompaniialary atynan tirkelgen.
ResMed (AQSh) kompaniiasynyń invazivti jáne invazivti emes ókpeni jasandy jeldetý mobildi apparattary COVID-19 indetimen kúresip jatqan Almatynyń meditsinalyq mekemeleriniń jedel járdem kólikterin jabdyqtaýǵa úshin QR territoriiasyna kirgizildi.
Budan buryn qaiyrymdylyq kómek retinde Timýr Qulybaev pen biznesmen Qairat Boranbaevtyń qarajatyna COVID-19 indetine diagnostika jasaityn mobildi ortalyǵy bar Ford Tranzit jedel járdem avtokólikteri satyp alynǵan bolatyn. Kólikter Almatynyń meditsinalyq mekemelerine berildi.
Bul kólikter Almaty men qaladan alys ornalasqan jáne mańaiyndaǵy aýdandardan ókpe aýyryna shaldyqqandardy tasymaldaý úshin qoldanylatyn bolady.
