Búgin «Nur Otan» partiiasynyń Almaty qalalyq konferentsiiasy aiasynda Almatydan Parlament Májilisiniń depýtattyǵyna kandidattardy anyqtaý úshin debattyq týrnir bastaldy, dep habarlaidy "Ult aqparat".
Megapolis boiynsha Parlament Májilisine úmitkerlerdiń jalpy sany 13 adam: Konstantin Avershin, Mádi Ahmetov, Mihail Grachev, Muhtar Zýleev, Altynai Kóbeeva, Erbolat Qasymov, Timýr Nurtaev, Artýr Platonov, Juldyz Súleimenova, Esengeldi Talbidinov, Nurymbek Taý, Bekqali Torǵaev, Shýhrat Shardinov.
Birinshi raýndta qatysýshylar ózderiniń sailaýaldy baǵdarlamalarynyń negizgi tezisterin tanystyrdy. Ekinshisinde-«suraq-jaýap» formatyndaǵy pikirtalas sessiiasy ótti.
Aita ketý kerek, qalalyq konferentsiiada úmitkerler arasynda pikirtalas alǵash ret uiymdastyrylyp otyr.
Osydan keiin «Praimeriz» aqparattyq júiesinde daýys berý arqyly partiialyq tizim boiynsha Parlament Májilisine sailaýǵa qatysý úshin delegattar tek 7 adamdy sailaidy. Daýys berýge ózderi praimeriz qatysýshylary bolyp tabylmaityn, qalalyq partiialyq kvotaǵa kirmeitin jáne kandidattardyń senim bildirgen adamdary bolmaǵan delegattar qatysady.
Tizim qatysýshy delegattardyń kópshilik daýysymen qalyptastyrylady. Aita ketý kerek, daýys berý - bul ár delegattyń qatysýshylardyń sheksiz sanyna daýys berýge quqyǵy bar. Osylaisha, ár delegat bir úmitkerge de, búkil tizimge de daýys bere alady.
Is-shara barlyq sanitarlyq epidemiologiialyq talaptardy saqtai otyryp ótkiziletinin atap ótken jón.
Esterińizge sala keteiik, partiiaishilik irikteý ideiasy kópshiliktiń qyzyǵýshylyǵyn týdyrdy jáne sailaýǵa qatysý úshin depýtattyqqa kandidattar tizimine daýys berý arqyly eń kóp daýys jinaǵan adamdar kirdi.
Tórt kúndik daýys berýge 43 008 nurotandyq qatysty, bul Almatydaǵy partiia músheleriniń jalpy sanynyń 73% - yn quraidy.
Almatydaǵy praimerizdiń ereksheligi árbir almatylyq úmitkerlerge suraq qoia alady, ol úmitkerlerdiń de, partiianyń aýdandyq filialdarynyń da resmi akkaýnttarynda habarlama qaldyrady.
Úgit-nasihat jumysynyń barlyq kezeńinde praimeriz kandidattarymen 5 myńǵa jýyq kezdesý ótkizildi, 40-tan astam debattyq týrnirler ótkizildi. Oǵan jalpy 150 myńnan astam adam qatysty.
