Foto REUTERS
Almatyda jappai tártipsizdik kezinde máiithanalardan 41 adamnyń máiiti urlanǵan. Bul týraly Almaty politsiia departamentiniń basshysy Qanat Taimerdenov málimdedi, dep habarlaidy Sputnik Qazaqstan.
"Shabýyldardy kásibi daiyndyqtan ótken, qarý-jaraq pen urys ádisterin jetik meńgergen adamdar jasaǵan. Olar qaza bolǵandar men jaralanǵandardy qaldyrmai, ózderimen birge alyp ketti. Sol kúnderi máiithanaǵa 7 shabýyl jasalyp, sonyń barysynda belgisiz bireýler qaza bolǵan 41 adamnyń denesin urlap ketken", - dedi Taimerdenov brifingte.
Ol Almatyda jappai tártipsizdik kezinde 149 adamnyń, onyń ishinde 11 quqyq qorǵaý salasynyń qyzmetkeri qaza tapqanyn aitty.
Terrorister 7 qarý-jaraq dúkenin basyp aldy. 1 347 qarý urlanǵan.
Aita keteiik, 15 qańtarda Bas prokýratýra Qazaqstan boiynsha búlik kezinde 225 adamnyń kóz jumǵanyn málimdegen edi. Tártipsizdikter kezinde 4578 adam zardap shekken. Onyń ishinde 4 353 adam jaralandy, onyń 3393-i - quqyq qorǵaý organdarynyń qyzmetkerleri.
Qazirgi ýaqytta 546 qylmystyq isti tergelip jatyr. Onyń ishinde 44-i - terrorizm, 34-i - jappai tártipsizdik, 15-i - adam óltirý.
672 kúdikti ustalǵan. Onyń 446-sy sottyń sanktsiiasymen qamaýǵa alyndy. Ustaýǵa negiz bolmaǵandyqtan, 100-den astam adam bosatylǵan.
