Almatyda maska baǵanyń negizsiz kóterilýi anyqtalǵan jaǵdaida tiisti sharalar qabyldanady.
Bul týraly Básekelestikti qorǵaý komitetiniń Almaty qalasy boiynsha departamenti basshysynyń orynbasary Arlan Qalýetov onlain brifing barysynda málimdedi, dep habarlaidy QazAqparat.
Brifing barysynda azyq-túlik pen dárihanalardaǵy maska baǵasyna baqylaýdyń kúsheitilgeni de aityldy. Qarapaiym maskanyń baǵasy 87 teńge dep bekitilse, kómir filtrli maska 111 teńgemen satylýda.
«Ol úshin Almatyda 48 dárihana belgilenip, barlyǵyna beinebaqylaý ornatyldy. Beinebaqylaýdaǵy jazba bir aiǵa deiin saqtalatyn bolady. Baǵanyń negizsiz kóterilýi anyqtalǵan jaǵdaida tiisti sharalar qabyldanady», - dedi Básekelestikti qorǵaý komitetiniń Almaty qalasy boiynsha departamenti basshysynyń orynbasary Arlan Qalýetov.
Onyń aitýynsha, megapoliste monopoliiaǵa qarsy zańnamany buzý faktilerin anyqtaý boiynsha jumystar júrgizilip jatyr.
Aita ketý kerek, búginde qalada fitnes, spa-salondar, sulýlyq salondary men qoǵamdyq monshalar jumysyn tolyq toqtatty.
«Bizdiń departament áleýmettik mańyzy bar azyq-túlik ónimderiniń baǵasyn turaqtandyrý boiynsha keshendi sharalardy qolǵa aldy. Betperdeniń baǵasyn negizsiz kóterý faktileri boiynsha departament tarapynan naryq sýbektilerine qatysty tergeý jumystaryn júrgizýde. Bul boiynsha bizge kelip túsken shaǵymdar kóp», – dedi ol.
