Almatyda meditsinalyq maska baǵasy retteldi. Bul týraly onlain brifing kezinde qala ákiminiń orynbasary Saparbek Tuiaqbaev málimdedi, dep habarlaidy "Ult aqparat".
«Maska boiynsha qazir qalada 48 iri dárihana jelisi anyqtaldy. Olarǵa kún saiyn 80 myń maska jetkizilip turady. Búgin 50 myń maska jetkizemiz», - dedi S.Tuiaqbaev.
Onyń aitýynsha, qazir ákimdik tórtjaqty kelisim jasasqan. Óndirýshi «Dolche farm» kompaniiasy, ákimdik, farmatsevtikalyq baqylaý departamenti, dárihanalar jelisi maskalardy óndirý men jetkizý, baǵa saiasaty boiynsha ýaǵdalastyqqa keldi.
«Endi 3 qabatty maska - 87 teńgeden, kómir filtri bar maska - 111 teńgeden satylatyn boldy. «Dolche farm» kompaniiasy qazir ekinshi óndiris jelisin iske qosty. Maska saýdasy dárihanalardaǵy kamera arqyly baqylanady», -dedi qala ákiminiń orynbasary.
