Almaty aýrýhanalarynyń birinde mas er adamnyń is áreketi túsirilgen video áleýmettik jelide taraldy, - dep habarlaidy Tengrinews.kz agenttigi.
Kadrlarda aýrýhananyń qabyldaý bólimine kire beriste denesi er adamnyń politsiia formasyndaǵy adamǵa dóreki sóilegeni kórsetilgen. Ol ózin "UQK leitenanty" jáne "Almaly aýdanynyń bólim bastyǵy", al ákesi "UQK general-leitenanty" dep tanystyrady.
Ári qarai, túrli boqtyq sózder aityp mekeme ǵimaratyna kiredi. Osydan keiin ol esikti syndyryp, qaitadan kóshege shyǵady.
Politsiia málimeti boiynsha, oqiǵa keshe túnde, iaǵni, 27 qyrkúiek saǵat 01.00 shamasynda er adam qalalyq jedel járdem aýrýhanasynda mas kúiinde tóbeles shyǵarǵan.
"Almaly aýdanynyń politsiia bólimi bul azamatty usaq buzaqylyq úshin jaýapqa tartty", - dep habarlady Almaty qalasy DP baspasóz qyzmeti.
Politsiia bul azamattyń UQK qyzmetkeri emestigin anyqtady.
