Foto: Tengrinews.kz/Turar Qazanǵapov
Eki alaiaq marqum bolǵan almatylyqtyń bank shotynan bir milliard teńge urlamaq bolǵan, - dep habarlaidy Tengrinews.kz agenttigi qalalyq prokýratýraǵa silteme jasap.
Vedomstvo málimetinshe, er adam men áiel marqum almatylyq turǵynnyń qaryzy bar dep sotqa aryzdanǵan. Olar jalǵan qujat jasap, sotta jeńiske jetken. Osydan keiin jeke sot oryndaýshysy sot sheshimi negizinde óz esepshotyna marqumnyń bank shotynda saqtalǵan 1 milliard teńgeni aýdarǵan. Qarajat keiinnen óndirip alýshylarǵa aýdarylýy tiis bolǵan.
"Alaida marqumnyń áieli der kezinde alaiaqtardyń qylmystyq áreketteriniń jolyn kesti. Ol quqyq qorǵaý organdaryna júgingen, sol arqyly kináliler qylmystyq áreketterin aiaqtai almady. Sotaldy tergep-tekserý barysynda jáne sotta marqumnyń is júzinde eshkimniń aldynda eshqandai qaryz mindettemesi bolmaǵany anyqtaldy", - dedi prokýrorlar.
Sot alaiaqtardy túrli merzimge sottady. Apelliatsiialyq sot zańdy kúshine engen úkimdi ózgerissiz qaldyrdy.
