13 qazan kúni Almatyda jartylai marafonnyń ótýine bailanysty birneshe kóshede kólik qozǵalysy shekteledi, dep habarlaidy "Ult aqparat".
Jartylai marafon Tuńǵysh Prezident saiabaǵynan bastaý alady. Mustafin kóshesinen bastap Navoi kóshesine deiin ál-Farabi dańǵylynyń boiy túngi 00:00-den 12:30-ǵa deiin jabylady. Ál-Farabi dańǵylynyń ońtústik bóligi (Mustafin kóshesinen Navoi kóshesine deiin) 07:20-dan 08:00-ge deiin ǵana jabyq turady.
Ál-Farabi dańǵylyndaǵy qozǵalys: Mustafin – Shashkin kósheleri 07:00-den 11:30-ǵa deiin jabyq bolady. Kólikterge ál-Farabi dańǵylynyń ońtústik jaǵymen júrýge ruqsat.
Seifýllin dańǵylynda ál-Farabi dańǵylynan Abai dańǵylyna deiin saǵat 07:30-dan 10:00-ge deiin qozǵalys tolyǵymen shekteledi.
Abai dańǵyly Saiyn kóshesinen Seifýllin dańǵylyna deiin saǵat 07:20- 12:00 aralyǵynda jabylady. Soltústik beti avtokólikterge ashyq bolady.
Saiyn kóshesi ál-Farabi dańǵylynan Abai dańǵylyna deiin saǵat 07:00- 11:00 – jabyq. Batys beti ashyq bolady.
Bul málimetter jarysqa qatysýshylardyń qozǵalys ýaqytynyń bólinýin eskere otyryp engizildi.
Tuńǵysh Prezident saiabaǵyna jetýge usynylatyn baǵyt:
Mustafina kóshesiniń ońtústik jaǵymen ál-Farabi dańǵylyna deiin,
Navoidan ońtústikke qarai ál-Farabi dańǵylyna deiin,
Sadyqova kóshesiniń soltústigimen ál-Farabi dańǵylyna deiin,
Dýlati kóshesiniń soltústik jaǵymen ál-Farabi dańǵylyna deiin.
Uiymdastyrýshylar kóshede kólik qozǵalysy qiyn bolǵandyqtan, qatysýshylarǵa Tuńǵysh Prezident saiabaǵyna deiin avtobýspen jetýge keńes beredi.
Esterińzige salaiyq, 13 qazan kúni (jeksenbi) Almaty jartylai marafony ótedi. Áýesqoi júgirýshiler úshin eki qashyqtyq usynylǵan – 21,1 jáne 10 km. Jalpy 5 myńǵa jýyq sportshy startqa qatysýdy josparlap otyr.
