Ulttyq kitaphanada tarihshy, professor Mámbet Qoigeldiniń «Ia sebia sovershenno ne priznaiý vinovnym!» atty kitabynyń tusaýkeser rásimi ótti, dep habarlaidy "Ult aqparat".
Atalǵan jinaqqa 1960-1980 jyldary Sovettik rejimge qarsy shyqqan adamdar jaily derekter engen. Olardyń kóbi kezinde KSRO Bas prokýratýrasynyń, qazirgi Reseidiń Federaldyq qaýipsizdik qyzmeti arhivinde saqtalǵan qujattar.
«Bul kitapqa Mahmet Qulmaǵambet, Qojan Ahmetov jaily derekter endi. Resei arhivinde osy eki kisi jaily derek óte kóp jinalypty. Máskeýde Azamat Jaqybaevqa qatysty qujattar bar eken, alaida ony bermedi. Biraq osy ýaqytqa deiin jabyq bolǵan ózge qujattardy berdi», - deidi tarihshy Mámbet Qoigeldi.
Tarihshynyń aitýynsha, kitaptaǵy tyń derekterdi Reseidiń memlekettik arhivinen tapqan.
«Arhivte Mirjaqyp, Ahmet týraly derekterdiń bári saqtalǵan. Biz 1960-1980 jyldary Sovet úkimetine qarsy shyqqan jandarǵa qatysty derek izdedik. Reseilikter qazaqtar Sovettik júiege eshqashan qarsylyq tanytqan joq deidi. Qazaqstan Odaqtyń ydyraýyna qarsy boldy dep jazady. 1960-1980 jyldardaǵy bul qujattar bizde de ortalyq júiege qarsy narazylyq bolǵanyn kórsetedi. Qazaqstanda azamattyq qozǵalys boldy, Táýelsizdik úshin qozǵalys esh ýaqytta toqtaǵan emes. Mahmet Qulmaǵambet basy daýǵa qalyp Batys eline ketip, sol jaqta kóz jumdy. «Ia sebia sovershenno ne priznaiý vinovnym!» degen sol kisiniń sotta aitqan sózi», - deidi Mámbet Qoigeldi.
