Foto: ashyq derekkóz
Respýblika saraiynda qazaqtyń kórnekti ánshisi, Qazaqstan Respýblikasynyń eńbek sińirgen ártisi Madina Eralieva rýhyna arnalǵan aýqymdy eske alý keshi ótti, dep habarlaidy Ult.kz.
Atalǵan is-sharany «Baitaq» jasyldar partiiasy tóraǵasynyń orynbasary Jumabek Ándeshuly Bastaýbaev uiymdastyrýǵa bastamashy boldy. Kesh – tek kontserttik baǵdarlama ǵana emes, qazaq óneriniń altyn qoryna engen tulǵanyń shyǵarmashylyǵyna taǵzym etetin mańyzdy mádeni oqiǵa retinde baǵalandy.
Madina Eralieva – qazaq án ónerinde ózindik únimen, syrshyl ári názik oryndaý mánerimen daralanǵan tulǵa. Onyń oryndaýyndaǵy árbir án tyńdarman júregine tereń áser qaldyryp, ulttyq mýzyka mádenietinde erekshe oryn aldy. Lirikalyq ánderdi oryndaýdaǵy sheberligi ony óz zamandastarynan biik deńgeige kóterdi.
Kesh aiasynda ánshiniń ómiri men shyǵarmashylyq jolyn keńinen tanystyrý maqsatynda arnaiy kórme uiymdastyryldy. Kórmede sahnalyq kostiýmderi, sirek fotosýretteri, jeke muraǵatynan alynǵan qundy materialdar usynyldy.
Sondai-aq, kesh barysynda Madina Eralievanyń zamandastary men izbasarlary onyń ánderin oryndap, estelikterimen bólisti. Sol býynnyń kórnekti ókilderiniń biri Maira Iliiasova da qazaq sahnasynyń damýyna qosqan úlesi arqyly erekshe atap ótti.
Uiymdastyrýshylardyń aitýynsha, bul sharanyń basty maqsaty – Madina Eralievanyń rýhani murasyn saqtaý, ony jas urpaqqa nasihattaý jáne ulttyq ónerge degen qurmetti arttyrý.
«Bul kesh – tek ótkendi eske alý emes, ulttyq ónerge kórsetilgen taǵzym. Madina Eralievanyń esimi men shyǵarmashylyǵy keler urpaqqa amanat bolyp jetýi tiis», – deidi uiymdastyrýshylar.
Madina Eralieva – ónerdegi ǵumyry qysqa bolsa da, halyq júreginde máńgi saqtalǵan jaryq juldyz. Onyń esimi men óneri ýaqyt ótken saiyn jańǵyryp, ult rýhaniiatynyń asyl qazynasy retinde baǵalana beredi.
