فوتو: اشىق دەرەككٶز
رەسپۋبليكا سارايىندا قازاقتىڭ كٶرنەكتٸ ەنشٸسٸ, قازاقستان رەسپۋبليكاسىنىڭ ەڭبەك سٸڭٸرگەن ەرتٸسٸ مادينا ەراليەۆا رۋحىنا ارنالعان اۋقىمدى ەسكە الۋ كەشٸ ٶتتٸ, دەپ حابارلايدى Ult.kz.
اتالعان ٸس-شارانى «بايتاق» جاسىلدار پارتيياسى تٶراعاسىنىڭ ورىنباسارى جۇمابەك ەندەشۇلى باستاۋباەۆ ۇيىمداستىرۋعا باستاماشى بولدى. كەش – تەك كونتسەرتتٸك باعدارلاما عانا ەمەس, قازاق ٶنەرٸنٸڭ التىن قورىنا ەنگەن تۇلعانىڭ شىعارماشىلىعىنا تاعزىم ەتەتٸن ماڭىزدى مەدەني وقيعا رەتٸندە باعالاندى.
مادينا ەراليەۆا – قازاق ەن ٶنەرٸندە ٶزٸندٸك ٷنٸمەن, سىرشىل ەرٸ نەزٸك ورىنداۋ مەنەرٸمەن دارالانعان تۇلعا. ونىڭ ورىنداۋىنداعى ەربٸر ەن تىڭدارمان جٷرەگٸنە تەرەڭ ەسەر قالدىرىپ, ۇلتتىق مۋزىكا مەدەنيەتٸندە ەرەكشە ورىن الدى. ليريكالىق ەندەردٸ ورىنداۋداعى شەبەرلٸگٸ ونى ٶز زامانداستارىنان بيٸك دەڭگەيگە كٶتەردٸ.
كەش اياسىندا ەنشٸنٸڭ ٶمٸرٸ مەن شىعارماشىلىق جولىن كەڭٸنەن تانىستىرۋ ماقساتىندا ارنايى كٶرمە ۇيىمداستىرىلدى. كٶرمەدە ساحنالىق كوستيۋمدەرٸ, سيرەك فوتوسۋرەتتەرٸ, جەكە مۇراعاتىنان الىنعان قۇندى ماتەريالدار ۇسىنىلدى.
سونداي-اق, كەش بارىسىندا مادينا ەراليەۆانىڭ زامانداستارى مەن ٸزباسارلارى ونىڭ ەندەرٸن ورىنداپ, ەستەلٸكتەرٸمەن بٶلٸستٸ. سول بۋىننىڭ كٶرنەكتٸ ٶكٸلدەرٸنٸڭ بٸرٸ مايرا ٸليياسوۆا دا قازاق ساحناسىنىڭ دامۋىنا قوسقان ٷلەسٸ ارقىلى ەرەكشە اتاپ ٶتتٸ.
ۇيىمداستىرۋشىلاردىڭ ايتۋىنشا, بۇل شارانىڭ باستى ماقساتى – مادينا ەراليەۆانىڭ رۋحاني مۇراسىن ساقتاۋ, ونى جاس ۇرپاققا ناسيحاتتاۋ جەنە ۇلتتىق ٶنەرگە دەگەن قۇرمەتتٸ ارتتىرۋ.
«بۇل كەش – تەك ٶتكەندٸ ەسكە الۋ ەمەس, ۇلتتىق ٶنەرگە كٶرسەتٸلگەن تاعزىم. مادينا ەراليەۆانىڭ ەسٸمٸ مەن شىعارماشىلىعى كەلەر ۇرپاققا امانات بولىپ جەتۋٸ تيٸس», – دەيدٸ ۇيىمداستىرۋشىلار.
مادينا ەراليەۆا – ٶنەردەگٸ عۇمىرى قىسقا بولسا دا, حالىق جٷرەگٸندە مەڭگٸ ساقتالعان جارىق جۇلدىز. ونىڭ ەسٸمٸ مەن ٶنەرٸ ۋاقىت ٶتكەن سايىن جاڭعىرىپ, ۇلت رۋحانيياتىنىڭ اسىل قازىناسى رەتٸندە باعالانا بەرەدٸ.
