Almatyda qalany qorǵaý kezinde lańkesterdiń qolynan qaza tapqan Qarýly Kúshterdiń ofitseri Sándibek Hairovty aqtyq saparǵa shyǵaryp saldy, dep habarlaidy QazAqparat.
35-gvardiialyq desanttyq-shabýyl brigadasy komandiriniń orynbasary podpolkovnik Sándibek Hairov áskeri qyzmetshilerdi qala ákimdiginiń shabýyl jasalǵan ǵimaratynan shyǵardy, biraq ózi qorǵana almady.
Almaty ákimi Baqytjan Saǵyntaev marqumnyń týystary men jaqyndaryna kóńil aitty.
Onyń erligi árqashan batyldyq pen ofitserlik abyroidyń úlgisi, áskeri boryshyn atqarýdyń ónegesi bolady.
«Qaza tapqan áskeri qyzmetshilerdi, quqyq qorǵaý organdarynyń qyzmetkerlerin eske alý Respýblika alańynda ornatylatyn memorialda máńgi saqtalady. Bul bizdiń elimizdi terroristerden qorǵap, beibitshilikti saqtap, azamattardyń qaýipsizdigin qamtamasyz etkenderdi eske alý úshin urpaqtarǵa arnalady», - dedi Baqytjan Saǵyntaev.
Qala ákimi Sándibek Hairovtyń otbasyna materialdyq kómek kórsetilgenin, sondai-aq páter bólinetinin aitty.
Marqumnyń artynda jubaiy men eki balasy qaldy.
