Foto:Almaty TJD
Almatyda laǵmanhana órtendi, - dep habarlaidy "Ult aqparat".
Qalalyq Tótenshe jaǵdailar departamentiniń málimetinshe, búgin saǵat 08:58-de TJD kúshteri men quraldary Almaly aýdany, Rozybakiev kóshesi, 13 mekenjaiy boiynsha shaqyrtýǵa shyqqan.
"Kelgennen keiin "Taýfik" kafesiniń shatyry janyp jatqany anyqtaldy. Órttiń kórshiles ǵimarattarǵa taralý qaýpi týyndap, kórshi úiden bes adam qaýipsiz qashyqtyqqa evakýatsiialandy. Adamdardyń bar-joǵyn tekserý úshin barlaý júrgizildi, tańerteńnen beri kafege kelýshiler bolmaǵan.
Janyp jatqan dámhanadan jeti gaz ballony shyǵaryldy. Avtotsisternanyń órt sóndirý shúmekteri dereý órt sóndirý gidranttaryna ornatylyp, sýdyń úzdiksiz berilýi qamtamasyz etildi", - delingen TJD habarlamasynda.
Departament málimetinshe, órt 18 minýtta oqshaýlanǵan. Taralý qaýpi joq.
Órtti sóndirýge 30 adam men 10 birlik tehnika, sondai-aq qalanyń ózara is-qimyl qyzmetteri jumyldyryldy.
Jalpy 150 sharshy metr aýmaqty sharpyǵan órt 09:43-te tolyq sóndirildi.
