Almatyda "Sairan" vokzaly janynda qyzdy qaǵyp óltirgen avtobýs júrgizýshisi Ánýar Jánibekov sottaldy, dep habarlaidy sputniknews.kz.
Ánýar Jánibekov sotta aiybyn moiyndap, ókinetinin bildirdi. Advokatynyń aitýynsha, ol jábirlenýshiniń týystarymen bitimge kelip, keltirgen shyǵyndy ótegen.
Avtobýs júrgizýshisi QR Qylmystyq kodeksiniń 345-baby boiynsha aiypty dep tanyldy.
Sot úkimimen ol 1 jyl 6 aiǵa bas bostandyǵynan aiyrý jazasyna kesilgen. Sonymen birge tórt jylǵa júrgizýshi kýáliginen aiyryldy.
Jol apaty 18 sáýirde Tóle bi jáne Ótegen batyr kósheleriniń qiylysynda boldy. 126-baǵdarly avtobýs qiylysta joldan ótip bara jatqan qyzdy qaǵyp ketken. 23 jastaǵy qyz oqiǵa ornynda kóz jumdy.
