Foto: © Sputnik / Kseniia Voronina
Almatyda qyz jigitpen alǵashqy kezdesýde qaitys boldy. Jýrnalist Sandýǵash Dúisenova qaiǵyly oqiǵanyń mán-jaiyn aitty, - dep habarlaidy Massaget.kz portaly.
Onyń sózinshe, oqiǵa 16 qazanda keshke bolǵan.
"Almaty kafesiniń birindegi jigitpen tanystyq ol úshin ómiriniń sońǵy kúni bolady dep kim oilaǵan? Aldymen olar tynysh sóilesip otyrǵan, biraq keiinirek er adam óz áreketterin baqylai almaǵan. Alǵashynda qyz ony tynyshtandyrýǵa tyrysqan, biraq keiin 102 nómirine qońyraý shalypty.
Kafedegiler er adam ony syrtqa shyǵaryp alǵanyn kórgen, biraq eshkim aralaspaǵan. Qazir kóshede ne bolǵanyn naqty eshkim bilmeidi, biraq 20 minýttan keiin buǵan deiin shaqyrylǵan politsiia qyzmetkerleri qyzdy óli tapqan.
Qyz jumysbasty bolǵan. Ol farmatsevtikalyq kompaniianyń direktory laýazymyna deiin ósken, al ózi úshin ómir súretin ýaqyt kelgende, onyń ómiri osylai aiaqtaldy", - dep jazdy Dúisenova áleýmettik jelide.
Almaty Politsiia departamenti ókili bul derekke qatysty Túrksib aýdanynyń politseileri Qylmystyq kodekstiń 99-baby "Kisi óltirý" boiynsha sotaldy tergeý júrgizip jatqanyn málimdedi.
"Osy qylmysty jasady degen kúdikti - 1991 jyly týǵan T. ustalyp, qamaýǵa alyndy. Qylmystyq is sheńberinde tergeýdiń jan-jaqtylyǵy jáne tolyqtyǵy qaǵidattary qatań saqtalyp, tergeý júrgiziledi. Saraptamalar taǵaiyndaldy", - dedi PD baspasóz qyzmeti ókili.
