Almatyda videoǵa túsip qalǵan qyz alyp qashqandardyń áreketi prank bolyp shyqty, - dep habarlaidy Tengrinews.kz tilshisi qalalyq politsiia departamentiniń baspasóz qyzmetine silteme jasap.
Buǵan deiin Alataý aýdany "Almaty Arena" kesheniniń janynda oryn alǵan oqiǵa - prank bolyp shyqty. Áleýmettik jelide taraǵan videodan taksi ustap turǵan qyzdy memlekettik nómiri joq aq kólikten shyqqan eki jigit súirep alyp kólikke májbúrlep mingizedi.
Osy fakt boiynsha tekserý sharalary júrgizilip, nátijesinde onyń uiymdastyrýshylary men qatysýshylary anyqtaldy. Olardyń áreketine quqyqtyq baǵa beriledi.
"Bul áleýmettik eksperiment - prank bolǵanyn habarlaimyn. Men sol videodaǵy qyzbyn. Mende bári jaqsy, meni eshkim urlaǵan joq. Kópshilikten keshirim suraimyz", - dedi 2004 jyly týǵan boijetken.
"Chevrolet Nexia" kóliginiń júrgizýshisi 1988 jyly týǵan jigit ákimshilik jaýapkershilikke tartyldy.
Politsiianyń málimetinshe, oǵan qatysty QR ÁQBtK-niń 2-bóliminiń 290-babynda ("memlekettik tirkeý nómirlik belgilerinsiz KQ-ny basqarý" jáne QR ÁQBtK-niń 1-bóliminiń 601-babynda ("jol belgileri men tańbalarynyń talaptaryn oryndamaý") kózdelgen quqyq buzýshylyq belgileri boiynsha ákimshilik hattamalar toltyryldy. Kólik quraly arnaiy aiyp turaǵyna qoiyldy.
