Almatyda elitalyq jol talǵamaityn kólikterdi urlaý qylmysyn uiymdastyrýshysy ustaldy, dep habarlaidy "Ult aqparat".
Eske salaiyq, avtokólik urlaýmen ainalysqan qylmystyq top byltyr ustalǵan. Sol kezde Almaty oblysy, Qarasai aýdany, Áitei aýylyndaǵy jeke úilerdiń biriniń aýlasynan jol talǵamaityn kólikterdi jasyryp júrgen jerasty býnkeri tabyldy.
«Qylmystyq is boiynsha basty kúdikti – 1988 jyly týǵan I. esimdi azamat, Túrkistan oblysynyń turǵyny sol kezde qashyp ketken jáne osy ýaqytqa deiin ol politsiiadan jasyrynyp kelgen. Alaida, jaqynda arnaiy qurylǵan jedel-tergeý toby ony ustady jáne qamaýǵa aldy. Qazirgi ýaqytta kúdiktige qymbat kólikterdi urlaýdyń jeti deregi, «Toiota Lend Krýzer» jáne «Leksýs» markaly kólikter boiynsha aiyp taǵylyp otyr», – dedi Almaty qalalyq Politsiia departamenti bastyǵynyń orynbasary Berik Ábilbekov.
Sondai-aq, spiker kúdikti qaraqshylyq shabýyl, bótenniń múlkin urlaý jáne qarý qoldanyp buzaqylyq jasaǵany úshin tórt ret sottalǵanyn aitty.
