Almatylyq politseiler qala ortalyǵynda adamdardy tonaýmen ainalysqan bir top er adamdy ustady, dep habarlaidy "Ult aqparat".
Qylmystyq topty 21 jastaǵy Almaty oblysynyń turǵyny basqarǵan.
«Aiyptalýshylar qarańǵyda, ótip bara jatqan adamdardy pyshaqpen qorqytyp, uialy telefondary men baǵaly zattaryn alyp, keiin qalanyń ártúrli lombardtarynda satqan. Kúdiktiler jedel is-sharalar júrgizý barysynda ustaldy. Biz kórsetilgen alańdaǵy kriminaldyq politsiia bólimshesiniń jumysyn, birneshe kún ishinde jasalǵan eki uqsas qylmysty taldaý arqyly kúsheittik. Tergeý aiaqtalǵanǵa deiin jábirlenýshilerdiń tizimi tolyǵýy múmkin ekendigin joqqa shyǵarmaimyz: tonalǵan adamdar qandaida bir sebeptermen politsiiaǵa kómekke júginbeýi de múmkin. Qylmystyń qarýy – pyshaq tárkilendi», – dep habarlady Almaly aýdandyq politsiia basqarmasynyń bastyǵy Esen Ysqaqov.
Kúdiktilerge qatysty QR QK-niń 191-baby 2-bóligi boiynsha sotqa deiingi tergeý amaldary júrgizilýde.
