Foto: ashyq derekkóz
Almaty qalasynda Qarjy monitoringi agenttiginiń qalalyq departamenti qurylys salasyndaǵy memlekettik satyp alýlar kezinde jalǵan málimetterdi paidalanǵan adamdar tobyna qatysty sotqa deiingi tergeý júrgizip jatyr, dep habarlaidy Ult.kz.
Tergeý barysynda 2021–2024 jyldar aralyǵynda kúdiktiler toby jalǵan kompaniialar arqyly qurylys jumystaryna arnalǵan tenderlerge qatysyp, reitingterin qoldan kóterý úshin jalǵan qujattar men málimetterdi paidalanǵany anyqtaldy.
Mundai qyzmet úshin uiymdastyrýshylar 500 myńnan 1,5 million teńgege deiin syiaqy alyp otyrǵan.
Zańsyz jolmen alynǵan tabystyń jalpy somasy 664 million teńgeden asyp ketken. Bul qarajatqa 11 avtokólik pen 12 jyljymaityn múlik (onyń ishinde 5 turǵyn úi men 7 jer ýchaskesi) satyp alynǵan.
Tergeý boljamyna sáikes, kúdiktilerdiń zańsyz áreketteriniń nátijesinde jalpy quny 70 milliard teńgege jýyq kelisimsharttar jasalǵan.
Qazirgi ýaqytta tórt kúdikti ustalyp, tergeý izoliatoryna qamaldy. QR Qylmystyq-protsestik kodeksiniń 201-babyna sáikes, tergeý múddesine bailanysty basqa aqparattar jariia etýge jatpaidy. Tergeý amaldary jalǵasýda.
