Almaty qalasy Bas sanitarlyq dárigeri Jandarbek Bekshin Qurban ait merekesine qatysty qaýly shyǵardy, dep habarlaidy "Ult aqparat".
Qaýlyǵa sáikes Qurban ait merekesin toilaý kezeńinde 2020 jylǵy 31 shildeden 2 tamyz aralyǵynda tómendegi is-áreketke tyiym salynady:
1) menshik nysanyna qaramastan barlyq uiymdarda, sondai-aq jeke menshik úi ielikterinde jáne medresede adamdar kóp jinalatyn is-sharalar ótkizýge;
2) Almaty qalasynyń aýmaǵynda mal soiýdy uiymdastyrýǵa jáne ótkizýge, avtokólikterde jáne jeke úi ielikterinde mal satýǵa tyiym salynady.
31 shildeden 2 tamyz aralyǵynda Almaty qalasynyń ortalyq meshitimen belgilegen onlain rejiminde qurbandyq shalýdy júzege asyratyndardy qospaǵanda, mal soiý tsehtary men mal satý bazarynyń jumysyn toqtatylady.
Sondai-aq, Almaty qalasynyń kire beristerinde, qurbandyq shalýdy onlain rejiminde júzege asyrýǵa arnalǵandardy qospaǵanda, qala aýmaǵyna janýarlardy ákelmeýdi boldyrmaý úshin posttar ashylady.
Qurbandyq shalýǵa onlain rejiminde Qurban2020.kz saityna ótinim berý arqyly ruqsat beriledi. «Qurban ait» merekesin uiymdastyrý máselelerin halyqqa túsindirý úshin Call-ortalyqtyń jumysyn uiymdastyrý qolǵa alynǵan.
Qurban merekesine atsalysqan adamdardy jeke qorǵaný quraldarymen qamtamasyz ete otyryp, muqtaj adamdarǵa tez buzylatyn ónimderdi (qurban bolǵan janýarlardyń eti) tasymaldaý jáne saqtaý jónindegi sanitarlyq-epidemiologiialyq erejeler talaptarynyń saqtalýyn qamtamasyz etý kózdelgen.
Qaýlynyń oryndalýyn baqylaý Almaty qalasynyń politsiia departamentine, aýdandyq ákimdikterge jáne QR AShM Veterinariialyq baqylaý jáne qadaǵalaý komitetiniń aýmaqtyq inspektsiiasyna júkteldi.
