Foto: QR MAM
2025 jyldyń 25 shildesinde Ábilhan Qasteev atyndaǵy QR Memlekettik óner mýzeiinde Qurash Zýlfikardyń «Ańyzdar izimen» atty jeke kórmesiniń saltanatty ashylýy ótti, dep habarlaidy Ult.kz.
Qurash Zýlfikar – sýretshi-grafik, kitap illiýstratory, QR Sýretshiler Odaǵynyń múshesi. Kórme sýretshiniń 75 jyldyq mereitoiyna arnalady. Jarty ǵasyrdan astam ýaqyt ishinde salynǵan júzden astam jumysy osy joly bir jerge toǵysyp, alǵashqy grafikalyq sýretterden bastap, kitaptarǵa salǵan illiýstratsiialary men akvarelderine deiin bar.
Foto: QR MAM
Ekspozitsiia hronologiialyq jáne taqyryptyq tártippen qurylǵan. Kórmeden kórermen túrki men uiǵyr mádenietiniń túrli kezeńderine, ańyzdary men tarihyna kýá bola alady. Ol tek sýret salyp qana qoimai, folklor men tarihqa, eposqa negizdelgen shyǵarmalarǵa den qoidy.
Erekshe nazar aýdarýǵa turarlyq týyndysy – 2023 jyly bastalyp, búgingi kúnge deiin jalǵasyp kele jatqan uiǵyr ańyzdaryna arnalǵan aýqymdy illiýstratsiialar seriiasy. 2025 jyldyń birinshi jartysynda sýretshi mifologiialyq siýjetterdi qylqalam ushymen sheber baiandady. Sóitip jańasha taldaǵan on tórt tolyqqandy shyǵarma jazdy.
«Ańyzdar izimen» kórmesi –sýretshiniń túp tamyryna oralýy, ónerge ainalǵan tutas ult mádenietimen tildesýi. Ekspozitsiia tamyz aiynyń 15-ne deiin jalǵasady.
