Foto: Tengrinews.kz/Álihan Sariev
Áskeri prokýrorlar quny 6 milliard teńge bolatyn jer telimin memleketke qaitardy, - dep habarlaidy "Ult aqparat" Bas áskeri prokýratýranyń baspasóz qyzmetine silteme jasap.
"2014 jyly Almaty qalasynyń Medeý aýdanyndaǵy naryqtyq quny 6 milliard teńgeden astam, jalpy aýdany 3,8484 gektar jer ýchaskesi "Dostyq stroi" qurylys kompaniiasy" JShS-niń menshigine ótken.
Alaida bul ýchaske 7 jyldan asa ýaqyt boiy maqsatyna sai paidalanylmaǵanyn eskere otyryp, áskeri prokýratýra organdary ony májbúrlep alyp qoiý týraly talap aryzben júgingen.
24.11.2022 jyly Almaty qalasynyń mamandandyrylǵan aýdanaralyq ekonomikalyq sotynyń sheshimi boiynsha, áskeri prokýratýranyń talap-aryzy qanaǵattandyrylyp, zańdy kúshine endi", - delingen habarlamada.
Qazirgi ýaqytta sot aktisin oryndaý boiynsha jumystar júrgizilip jatyr.
Foto: Tengrinews.kz/Álihan Sariev
