Foto: Vlast.kz
Almaty prokýratýrasy quny 2,6 milliard teńge bolatyn «Baspalar úii» aktsionerlik qoǵamynyń 100 paiyz aktsiiasyn memleket menshigine qaitardy, dep habarlaidy Ult.kz.
Almaly aýdanynyń prokýratýrasy júrgizgen tekserý nátijesinde, 2016 jyly QR Mádeniet jáne sport ministrligine tiesili bul aktivtiń zańsyz jekeshelendirilgeni anyqtalǵan. Atap aitqanda, joǵary qunyna qaramastan, aktsiialar jeke tulǵaǵa naryqtan tómen baǵamen berilgen.
Memlekettiń múliktik múddelerin qorǵaý maqsatynda prokýratýra sotqa mámileni jaramsyz dep taný týraly talap-aryz joldady. Birinshi satydaǵy sot prokýrordyń talabyn qanaǵattandyrdy. Keiin apelliatsiialyq sot bul sheshimdi ózgerissiz qaldyryp, zańdy kúshine engizdi.
Prokýratýranyń resmi málimetinshe, bul áreket zańsyz jekeshelendirý faktilerimen kúres jáne memleket múlkin qaitarý baǵytynda júrgizilip jatqan júieli jumystardyń nátijesi bolyp otyr.
