kórneki sýret
Aqpannyń basynda Almatyda Ulttyq qaýipsizdik komiteti psihotropty zattar daiyndaityn zańsyz zerthanany anyqtady, dep habarlady UQK baspasóz qyzmeti.
"Kórsetilgen zańǵa qaishy áreketke qatysy bar bolǵany úshin Almaty turǵyny ustaldy. Zańsyz ainalymnan shamamen toǵyz keli psihotropty zat mefedron pen "α-PVP" tárkilendi. Onyń zańsyz naryqtaǵy baǵasy shamamen 149 million teńgege baǵalanyp otyr", - delingen komitet habarlamasynda.
Sonymen qatar Almatydaǵy basqa operatsiia kezinde ishinde 500-den astam "ekstazi" dárisi bar qorap anyqtaldy. Bul qorap eldiń batys óńirine jetkizilýge tiis bolǵan.
Baspasóz qyzmeti usynǵan aqparatqa sáikes, osy jyldyń 7 aqpanynda bir turǵynnyń úiinen 200 gramm "a-PVP" psihotropty zat tárkilendi.
Atalǵan faktiler boiynsha Qylmystyq kodekstiń 297-babynyń 3-bóligi ("Esirtki, psihotroptyq zattardy daiyndaý, saqtaý, satý") boiynsha sotqa deiingi tergeý bastaldy.
Bul áreketi úshin kúdiktilerdiń múlki tárkilenip, on jyldan on bes jylǵa deiingi merzimge bas bostandyǵynan aiyrylýy múmkin.
