كٶرنەكٸ سۋرەت
اقپاننىڭ باسىندا الماتىدا ۇلتتىق قاۋٸپسٸزدٸك كوميتەتٸ پسيحوتروپتى زاتتار دايىندايتىن زاڭسىز زەرتحانانى انىقتادى, دەپ حابارلادى ۇقك باسپاسٶز قىزمەتٸ.
"كٶرسەتٸلگەن زاڭعا قايشى ەرەكەتكە قاتىسى بار بولعانى ٷشٸن الماتى تۇرعىنى ۇستالدى. زاڭسىز اينالىمنان شامامەن توعىز كەلٸ پسيحوتروپتى زات مەفەدرون پەن "α-PVP" تەركٸلەندٸ. ونىڭ زاڭسىز نارىقتاعى باعاسى شامامەن 149 ميلليون تەڭگەگە باعالانىپ وتىر", - دەلٸنگەن كوميتەت حابارلاماسىندا.
سونىمەن قاتار الماتىداعى باسقا وپەراتسييا كەزٸندە ٸشٸندە 500-دەن استام "ەكستازي" دەرٸسٸ بار قوراپ انىقتالدى. بۇل قوراپ ەلدٸڭ باتىس ٶڭٸرٸنە جەتكٸزٸلۋگە تيٸس بولعان.
باسپاسٶز قىزمەتٸ ۇسىنعان اقپاراتقا سەيكەس, وسى جىلدىڭ 7 اقپانىندا بٸر تۇرعىننىڭ ٷيٸنەن 200 گرامم "ا-PVP" پسيحوتروپتى زات تەركٸلەندٸ.
اتالعان فاكتٸلەر بويىنشا قىلمىستىق كودەكستٸڭ 297-بابىنىڭ 3-بٶلٸگٸ ("ەسٸرتكٸ, پسيحوتروپتىق زاتتاردى دايىنداۋ, ساقتاۋ, ساتۋ") بويىنشا سوتقا دەيٸنگٸ تەرگەۋ باستالدى.
بۇل ەرەكەتٸ ٷشٸن كٷدٸكتٸلەردٸڭ مٷلكٸ تەركٸلەنٸپ, ون جىلدان ون بەس جىلعا دەيٸنگٸ مەرزٸمگە باس بوستاندىعىنان ايىرىلۋى مٷمكٸن.
