Almatyda kúnine 7,5 myń kireberis pen 1,5 myń aýla dezinfektsiialanady. Bul jaiynda shahar basshysy Baqytjan Saǵyntaev Instagram paraqshasynda jazdy, dep habarlaidy "Ult aqparat".
«Koronavirýstyń taralýyn tejeý maqsatynda qalada barlyq jaǵdai jasalyp otyr. Sonyń biri — qoǵamdyq keńistikti dezinfektsiialaý. Kósheler, saýda jáne qyzmet kórsetý nysandary, meditsinalyq mekeme aýmaqtary, jaiaý júrginshiler joly, jalpy juqtyrý qaýpine ie barlyq zattar zalalsyzdandyrylýda. Sonymen qatar, kún saiyn 7,5 myń kireberis pen 1,5 myń aýla, sonyń ishinde balalardyń oiyn jáne sport alańdary dezinfektsiialanady. Buǵan 75,4 myń litr eritindi jumsalady» dep jazady qala ákimi.
Onyń aitýynsha, bul jumysty 450 dezinfektsiialyq kompaniia atqaryp júr.
«Bolat Ospanov syndy qarapaiym jigitter COVID-19 taralýyna qarsy is-qimylda belsendilik tanytyp júr. Biz de jaýapkershilik tanytaiyq» dep atap ótti Baqytjan Saǵyntaev.
