Kúzdiń alǵashqy aiy ystyq bolady, aýa temperatýrasy 30 gradýsqa deiin kóteriledi, dep habarlaidy QazAqparat.
Sinoptikterdiń boljamy boiynsha, ońtústik astanada kúzdiń alǵashqy aiy jyly bolady.
«14-15 qyrkúiekte Almatyda kóshpeli bult shyǵady, jańbyr jaýmaidy. Aýa temperatýrasy túnde 13-17, kúndiz 26-30 jyly bolady.16 qyrkúiek kúni kóshpeli bult shyǵady, kúndiz jańbyr jaýady, naizaǵai oinaidy. Aýa temperatýrasy túnde 16-18, kúndiz 26-28 jyly bolady», - dep habarlady «Qazgidromet» RMK.
Kásiporyn taratqan málimetterge qaraǵanda, Qazaqstannyń soltústik bóliginde kún salqyndap, jańbyr jaýady.
«Atmosferalyq frontaldy bólikterdiń áserinen QR shyǵysynda, soltústik-batysynda, ońtústik-batysynda, sondai-aq ońtústik-shyǵystyń taýly aýdandarynda jańbyr jaýady, naizaǵai oinaidy.Túnde jáne tańerteń soltústik-batys jáne ortalyq aimaqtarda tuman túsedi. Soltústikte, kúndiz elimizdiń ońtústigindegi taýly aimaqtarda jel 15-20 m/s jyldamdyqpen soǵady»,- dep atap ótti sinoptikter.
