Almatynyń Medeý aýdanynda úlken terek qulap, segiz kólikti zaqymdady, dep habarlaidy "Ult aqparat".
Oqiǵa 13 tamyz kúni Medeý aýdany, Gogol-Abdýllin kósheleriniń qiylysynda boldy.
Kýágerler oqiǵa ornynan sýretter men videolardy áleýmettik jelige júktedi.
«13 tamyz kúni keshki saǵat 18: 35-te «112» pýltine Abdýllin 27 «A» úiiniń janynda aǵashtyń qulaǵany týraly habarlama tústi. Oqiǵa ornyna 109 qutqarý qyzmeti jiberildi. Belgili bolǵanyndai úlken aǵash segiz kólikti basyp qalǵan. Oqiǵa ornynda 2 tehnika, «109» qutqarý qyzmetiniń 4 qyzmetkeri, Tótenshe jaǵdailar departamentiniń 5 mamany jumys istedi», - dep habarlady departamentten.
Oqiǵadan zardap shekkender joq.
