Almaty ákimdigi qalada krematorii qurylysy qashan bastalatynyn aitty, dep habarlaidy "Ult aqparat".
«Buǵan deiin Almaty ákimdigi patologoanatomiialyq biýro (máiithana) men krematorii qurylysynyń jobalyq-smetalyq qujattamasyn ázirleýdi josparlaǵan bolatyn. Alaida, jetkilikti qarjy bolmaǵandyqtan, krematorii qurylysy keiinge qaldyryldy. Al 9 sáýirde Úkimettiń №187 Qaýlysymen krematorii qurylysyna qarajat bólý týraly sheshim qabyldandy», - dep habarlady ákimdiktiń baspasóz qyzmetinen.
Qazirgi ýaqytta jobalyq-smetalyq qujattamany ázirleý jumystary bastaldy. Qujattama jasalyp, oń saraptamalyq qorytyndy shyqqannan keiin nysannyń qurylysy qarastyrylady.
Eske salaiyq, Almaty ákimdigi krematorii qurylysynyń jobalyq-smetalyq qujattamasyn jasaýǵa tender jariialaǵan bolatyn.
Tehnikalyq sipattamaǵa sáikes, krematorii bir zaldan jáne eki peshten turady. Joba qujattamasyn ázirleýge 46,8 mln teńge bólingen. Tapsyrys berýshi – «Almaty qalasy Jaily qalalyq orta basqarmasy» kommýnaldyq memlekettik mekemesi.
