Almaty qalasynyń ákimi Baqytjan Saǵyntaev qalanyń shyǵarmashylyq qaýymdastyq ókilderimen kezdesip, kreativti ekonomikany damytý perspektivalaryn talqylady, dep habarlaidy "Ult aqparat".
Kezdesýge ádebiet, jańa media, tsirk óneri, mýzyka, teatr, kino, animatsiia, jáne geimdevelopment, qolóner, sondai-aq sán men komiks-indýstriia salalarynyń ókilderi qatysty.
Basqosýda kreativti ekonomikanyń túrli salalaryn damytý máseleleri talqylandy.
Jiynda megapolis ekonomikasyndaǵy kreativti indýstriialardyń úlesin arttyrý sharalary pysyqtaldy. Qatysýshylar qalanyń barlyq aýdandarynda kreativti indýstriiany damytý úshin infraqurylym qurý, bilim berý baǵdarlamalaryn jetildirý, shikizat bazasyn, atap aitqanda sán indýstriiasyn arttyrý máselelerin kóterdi. Sonymen qatar, ziiatkerlik menshikti kommertsiialandyrý, shyǵarmashylyq jobalardy qarjylyq jáne qarjylyq emes qoldaý sharalaryn damytý máseleleri qarastyryldy.
Kreativti indýstriialardyń qoljetimdilik aiasyn keńeitýge erekshe mán berildi. Túsken usynystardyń ishinde daryndy balalar men jastar, sonyń ishinde kópbalaly jáne az qamtylǵan otbasylar úshin kýrstar uiymdastyrý tilge tiek etildi.
Baqytjan Saǵyntaev Almaty úshin álemniń úzdik 100 qalasyna ený mindeti tur ekenin atap ótti. Ol úshin ekonomikanyń sapaly ósýin qamtamasyz etý qajet.
«Almaty-2050» Damý strategiiasy aiasynda kreativti ekonomikany damytatyn bolamyz. Ol úshin bizde barlyq múmkindikter bar», – dedi qala ákimi. Sondai-aq, shahar basshysy bilim berý baǵdarlamalarynyń kreativti indýstriialar naryǵynyń suranystaryna sáikes kelýiniń mańyzdylyǵyn atap ótti.
Shyǵarmashylyq qoǵam ókilderimen birlesip Creative Almaty strategiiasy ázirlenbek. Damýdyń negizgi baǵyttary: mýzyka, ádebiet, teatr, opera jáne balet, sán, kino men animatsiia, jańa media jáne sandyq mádeniet, zamanaýi óner, oiyn-saýyq indýstriiasy, sáýletpen dizain, oiyndar men jarnama. Búginde Almatyda kásiporyndardyń jalpy sanynan kreativti indýstriialar úlesi 6,3%-dy ǵana quraidy. Kreativti ekonomika qalanyń ósýi men ál-aýqatynyń negizgi draiverleriniń biri bolady dep josparlanýda.
Jalpy jiynda kreativti indýstriialar óndirisiniń kólemin arttyrý úshin Almatynyń joǵary áleýeti bar ekeni atap ótildi. Búginde Almatyda kreativti indýstriiany odan ári damytý úshin barlyq múmkindikter bar. Creative Almaty strategiiasyn ázirleý otandyq mamandar men qazaqstandyq jobalardyń básekege qabilettiligin álemdik deńgeide arttyrýǵa múmkindik beredi.
