Almatyda Óńirlik kommýnikatsiialar qyzmeti alańynda qalalyq Politsiia departamentiniń basshysy Qanat Taimerdenov karantin rejiminiń talaptaryn naqtylady, dep habarlaidy "Ult aqparat".
«Tótenshe jaǵdaiǵa bailanysty talaptardy buzǵan adamdarǵa 10 AEK kóleminde aiyppul salynyp nemese 15 táýlikke deiin qamaýǵa alý siiaqty ákimshilik jaza qoldanylady. Tótenshe jaǵdai jariialanǵan aýmaqta bilik ókiliniń talabyna baǵynbaǵandarǵa 2000 AEK mólsherinde aiyppul salynyp nemese 600 saǵatqa deiin qoǵamdyq jumysqa tartylady nemese 2 jylǵa deiin bas bostandyǵy shekteledi», - dedi Qanat Taimerdenov.
Sonymen qatar, onyń aitýynsha, azamattardyń suraqtaryna jaýap berý úshin Call center 254 40 07 iske qosyldy.
Aita ketý kerek, Almaty men Nur-Sultan qalasynda karantin rejimi engiziledi. Soǵan bailanysty Almatyda azamattar men avtokólikterdiń qalaǵa kirip, shyǵýyn shekteý úshin 27 blok beket ornatylady.
