Foto: pixabay.com
Byltyr Almaty qalasyndaǵy kóshe ájethanalarynyń birinde tabylǵan náresteni otasqandaryna kóp jyl bolǵan, alaida balasy joq otbasy asyrap aldy. Bul týraly Almaty qalasynyń densaýlyq saqtaý basqarmasy málim etti, dep habarlaidy Kazinform.
Vedomstvo málimetinshe, jańa otbasy sábidi bazadan kórip, birden asyrap alý týraly sheshim qabyldaǵan.
«Áiel balalar úiine kelgende sábidi kórip, kózine jas aldy. Ony birden alyp ketkisi keldi. Balanyń jańa otbasy tolyq, olardyń otaý qurǵandaryna kóp bolǵanmen, balalary joq. Erli-zaiypty basqa qaladan kelip, aryz jazyp, balany 2023 jyldyń mamyr aiynda asyrap aldy. Endi sábide tolyq jáne baqytty otbasy bar. Olar sýretterin jiberip, qýanyshtarymen bólisip otyrady», - dep habarlady qalalyq densaýlyq saqtaý basqarmasynan.
Eske sala keteiik, jańa týǵan náreste 2022 jyldyń tamyz aiynda kóshedegi dárethanadan tabylǵan bolatyn. Ony Túrksib aýdandyq politsiia qyzmetkerleri qutqaryp qaldy.
