Almatyda Covid-19 juqtyrǵan júkti áiel deni saý balany dúniege ákeldi, dep habarlaidy "Ult aqparat".
Júktiliktiń 39-aptasyndaǵy áiel naýqaspen bailanysta bolǵan adam retinde Ortalyq klinikalyq qalalyq aýrýhanaǵa 13 sáýirde jetkizilgen.
Taldaý nátijesinde onyń koronavirýs juqtyrǵany rastaldy. 15 sáýirde dárigerler kesar tirligimen áieldi bosandyrǵan.
Dúniege salmaǵy 3,5 keli ul bala keldi. Bul áieldiń ekinshi balasy eken.
«Baladan shuǵyl túrde analiz alyndy. Nátijesinde virýs juqtyrmaǵany anyqtaldy. Qazir náreste balalar bóliminde jatyr», - dedi qalalyq Qoǵamdyq densaýlyq saqtaý basqarmasynyń basshysy Tileýhan Ábildaev.
Balanyń anasynyń jaǵdaiy jaqsy. Jaqynda infektsiialyq aýrýhanaǵa aýystyrylady. Dárigerler anasy jazylǵannan keiin ǵana balasyn bermek.
Buǵan deiin Qyzylorda oblysynda da koronavirýs juqqan áiel bosanyp, jańa týǵan náresteden virýs tabylmaǵan.
Sońǵy málimet boiynsha, Qazaqstanda 1280 adam virýs juqtyrǵan. 285 adam dertten aiyqqan. 17 adam qaitys bolǵan.
