Almatyda koronavirýs juqtyrǵan dárigerlerdiń sany 27-ge jetti. Bul týraly onlain brifing barysynda qalalyq Qoǵamdyq densaýlyq saqtaý basqarmasynyń basshysy Tileýhan Ábildaev aitty, dep habarlaidy "Ult aqparat".
Onyń aitýynsha, 13 sáýirde Almatyda koronavirýstyq infektsiiany juqtyrýdyń rastalǵan 172 jaǵdaiy tirkeldi.
Sonyń 27-si meditsina qyzmetkeri bolyp shyqty.
«Onyń ishinde 21 áiel jáne 6 er adam, aralarynda bir júkti áiel bar. Meditsina qyzmetkerleriniń ekeýiniń jai-kúii polisegmentti pnevmoniialaryna bailanysty – aýyr, qalǵan adamdardyń barlyǵynda – qanaǵattanarlyq dep baǵalanyp otyr. Koronavirýs anyqtalǵan 20 qyzmetker shuǵyl meditsinalyq kómek kórsetýdi jalǵastyrǵan Qalalyq ortalyq klinikalyq aýrýhananyń qyzmetkerleri ekeni anyqtaldy. Taǵy 7 adam - 4 sáýirdegi alǵash ret tapsyrǵan testileri teris nátije kórsetken (iaǵni, dert anyqtalǵan) Balalar juqpaly aýrýlar aýrýhanasynyń qyzmetkerleri. Ádette, bular ártúrli patologiiasy bar patsientter, olardyń arasynda aýrý belgilerinsiz aǵymy bar patsientter bolýy múmkin, sáikesinshe bul olardyń virýsty juqtyrýyna sebep bolýy da múmkin», - dedi Tileýhan Ábildaev.
Basqarma basshysynyń aitýynsha, atalǵan fakti boiynsha qazirgi ýaqytta epidemiologiialyq tekserý júrgizilip jatyr.
Qazir infektsiialyq statsionarda jalpy 122 adam emdelip jatyr. 89 naýqastyń jai-kúii – qanaǵattanarlyq, 8 adamda – aýyr, 25 eresek adamda (1 oblystyq) – aýyrlyqtyń ortasha dárijesinde dep baǵalanyp otyr. Emdelýshiler arasynda 3 júkti áiel bar.
Barlyǵy 49 adam: 47 eresek jáne 2 bala saýyǵyp shyqsa, 2 adam qaitys boldy.
Provizorlyq ortalyqtarda 186 adam bar, onyń ishinde 10-y bala, karantindik oqshaýlaýda – 426 adam, úi karantininde 6199 adam otyr.
