Almatyda koronavirýstyń aldyn alý boiynsha óńirlik shtabtyń otyrysy ótti, dep habarlaidy "Ult aqparat".
Almaty áýejaiynda qala ákiminiń orynbasary Erjan Babaqumarovtyń tóraǵalyq etýimen ótken jiynda áýejaiǵa keletin barlyq halyqaralyq reisterdi baqylaýdyń aǵymdaǵy máseleleri talqylandy.
Sondai-aq, áýejaidyń sanitarlyq jáne shekara qyzmetteriniń koronavirýsty infektsiialardyń taralýynyń aldyn alýy boiynsha jumys mehanizmi tekserildi.
Qoǵamdyq densaýlyq basqarmasynyń basshysy Tileýhan Ábildaev qalanyń statsionarlarynda koronavirýsty infektsiianyń taralý qaýpi bar aimaqtardan kelgen JRVI men tumaýdyń belgileri bar 8 emdelýshi bar ekenin aitty.
«Emdelýshilerdiń jaǵdaiy alańdaýshylyq týǵyzbaidy. Dinamikada bári jaqsaryp, qalpyna kelýde. Olardyń altaýy eresek, bir bala ata-anasymen birge balalar juqpaly aýrýlar aýrýhanasynda jatyr», — dedi T. Ábildaev.
Infektsiialyq baqylaýdyń barlyq talaptaryna sáikes, rezervtik emhana daiyndaldy. Qalanyń meditsinalyq mekemeleri qajetti dári-dármektermen, kelýshilerge de, meditsina qyzmetkerlerine de jeke qorǵaný quraldarymen qamtamasyz etildi.
«Almaty qalasynyń Halyqaralyq áýejai aýmaǵyna 150-den astam halyqaralyq reis qondy,17 myńǵa jýyq jolaýshy tekserildi. Olardyń 200-ge jýyǵy Qytai azamaty»,– Taýarlar men qyzmetterdiń sapasy men qaýipsizdigin baqylaý departamentiniń basshysy Aizat Moldaǵasymova.
Otyrystyń qorytyndysy boiynsha, Óńirlik shtabtyń tóraǵasy E.Babaqumarov jumys qarqynyn tómendetpeýdi, barlyq halyqaralyq reisterge kúsheitilgen sanitarlyq-karantindik baqylaýdy jalǵastyrýdy tapsyrdy.
Sonymen qatar, sanitarlyq jáne shekara men ekipaj, meditsina qyzmetkerleriniń, onyń ishinde jedel járdem qyzmetiniń ózara is-qimylyn pysyqtaý, virýstyq infektsiialardyń aldyn-alý jáne diagnostika boiynsha epidemiiaǵa qarsy sharalardy saqtaý boiynsha oqytý ótkizildi. Aiqyn simptomy bar adamdardy tasymaldaý úshin jedel járdem iske qosyldy. Olar áýejai aýmaǵynda táýlik boiy kezekshilikpen jumys isteidi.
Sondai-aq, oqý-jattyǵýlar aýmaqtyq emhanalarda da ótti. Almatyda koronavirýsty juqtyrý jaǵdaiy tirkelgen joq. Qalanyń barlyq qyzmetteri bekitilgen algoritimge sai jumys isteidi. Megapolistegi jaǵdai biliktiń baqylaýynda.
