الماتىدا كوروناۆيرۋستىڭ الدىن الۋ بويىنشا ٶڭٸرلٸك شتابتىڭ وتىرىسى ٶتتٸ, دەپ حابارلايدى "ۇلت اقپارات".
الماتى ەۋەجايىندا قالا ەكٸمٸنٸڭ ورىنباسارى ەرجان باباقۇماروۆتىڭ تٶراعالىق ەتۋٸمەن ٶتكەن جيىندا ەۋەجايعا كەلەتٸن بارلىق حالىقارالىق رەيستەردٸ باقىلاۋدىڭ اعىمداعى مەسەلەلەرٸ تالقىلاندى.
سونداي-اق, ەۋەجايدىڭ سانيتارلىق جەنە شەكارا قىزمەتتەرٸنٸڭ كوروناۆيرۋستى ينفەكتسييالاردىڭ تارالۋىنىڭ الدىن الۋى بويىنشا جۇمىس مەحانيزمٸ تەكسەرٸلدٸ.
قوعامدىق دەنساۋلىق باسقارماسىنىڭ باسشىسى تٸلەۋحان ەبٸلداەۆ قالانىڭ ستاتسيونارلارىندا كوروناۆيرۋستى ينفەكتسييانىڭ تارالۋ قاۋپٸ بار ايماقتاردان كەلگەن جرۆي مەن تۇماۋدىڭ بەلگٸلەرٸ بار 8 ەمدەلۋشٸ بار ەكەنٸن ايتتى.
«ەمدەلۋشٸلەردٸڭ جاعدايى الاڭداۋشىلىق تۋعىزبايدى. ديناميكادا بەرٸ جاقسارىپ, قالپىنا كەلۋدە. ولاردىڭ التاۋى ەرەسەك, بٸر بالا اتا-اناسىمەن بٸرگە بالالار جۇقپالى اۋرۋلار اۋرۋحاناسىندا جاتىر», — دەدٸ ت. ەبٸلداەۆ.
ينفەكتسييالىق باقىلاۋدىڭ بارلىق تالاپتارىنا سەيكەس, رەزەرۆتٸك ەمحانا دايىندالدى. قالانىڭ مەديتسينالىق مەكەمەلەرٸ قاجەتتٸ دەرٸ-دەرمەكتەرمەن, كەلۋشٸلەرگە دە, مەديتسينا قىزمەتكەرلەرٸنە دە جەكە قورعانۋ قۇرالدارىمەن قامتاماسىز ەتٸلدٸ.
«الماتى قالاسىنىڭ حالىقارالىق ەۋەجاي اۋماعىنا 150-دەن استام حالىقارالىق رەيس قوندى,17 مىڭعا جۋىق جولاۋشى تەكسەرٸلدٸ. ولاردىڭ 200-گە جۋىعى قىتاي ازاماتى»,– تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى ايزات مولداعاسىموۆا.
وتىرىستىڭ قورىتىندىسى بويىنشا, ٶڭٸرلٸك شتابتىڭ تٶراعاسى ە.باباقۇماروۆ جۇمىس قارقىنىن تٶمەندەتپەۋدٸ, بارلىق حالىقارالىق رەيستەرگە كٷشەيتٸلگەن سانيتارلىق-كارانتيندٸك باقىلاۋدى جالعاستىرۋدى تاپسىردى.
سونىمەن قاتار, سانيتارلىق جەنە شەكارا مەن ەكيپاج, مەديتسينا قىزمەتكەرلەرٸنٸڭ, ونىڭ ٸشٸندە جەدەل جەردەم قىزمەتٸنٸڭ ٶزارا ٸس-قيمىلىن پىسىقتاۋ, ۆيرۋستىق ينفەكتسييالاردىڭ الدىن-الۋ جەنە دياگنوستيكا بويىنشا ەپيدەميياعا قارسى شارالاردى ساقتاۋ بويىنشا وقىتۋ ٶتكٸزٸلدٸ. ايقىن سيمپتومى بار ادامداردى تاسىمالداۋ ٷشٸن جەدەل جەردەم ٸسكە قوسىلدى. ولار ەۋەجاي اۋماعىندا تەۋلٸك بويى كەزەكشٸلٸكپەن جۇمىس ٸستەيدٸ.
سونداي-اق, وقۋ-جاتتىعۋلار اۋماقتىق ەمحانالاردا دا ٶتتٸ. الماتىدا كوروناۆيرۋستى جۇقتىرۋ جاعدايى تٸركەلگەن جوق. قالانىڭ بارلىق قىزمەتتەرٸ بەكٸتٸلگەن الگوريتٸمگە ساي جۇمىس ٸستەيدٸ. مەگاپوليستەگٸ جاعداي بيلٸكتٸڭ باقىلاۋىندا.
