Almatyda sanepidemiologtar 20 oshaqty baqylaýǵa aldy. Bul týraly qalalyq ákimdiktiń baspasóz qyzmeti málimdedi, dep habarlaidy "Ult aqparat".
Almaty qalasy Taýarlar men qyzmetterdiń sapasyn baqylaý departamentiniń deregi boiynsha, búgin Almatyda koronavirýs shyqqan oshaqtyń sany 20-ǵa jetti.
Qazir sanitarlyq mamandar kireberiste kúsheitilgen dezinfektsiialyq rejim engizip jatyr. Basqa úilerdiń turǵyndarynyń qozǵalysy men kirýine shekteý qoiyldy.
Karantin rejimi merzim aiaqtalǵannan keiin alynyp tastalady.
M.Áýezov aýdanynda 2 juqtyrý oshaǵy - Jetisý-2 yqshamaýdany 70a-úi; Mamyr-4 yqshamaýdany 313-úide ornalasqan.
Alataý aýdanynda 5 juqtyrý oshaǵy - Zaria-Vostok yqshamaýdany, Saryoi kóshesi 234-úi; Aqkent yqshamaýdany 7-úi; Aqbulaq yqshamaýdany 9-úide ornalasqan.
Almaly aýdany boiynsha 3 oshaq - Jeltoqsan kóshesi 125-úi; Jarokov kóshesi 16-úi; Jarokov kóshesi 7-úide ornalasqan.
Medeý aýdanynda 4 oshaq tirkeldi. Olar Zenkov kóshesi 59-úi; Dostyq kóshesi 162-úi; Gogol kóshesi 75; Qonaev kóshesi 62-úide.
Jetisý aýdanynda 2 oshaq - Eńlikgúl kóshesindegi 34a-úi, Volochaevskaia kóshesindegi 51-úide tirkeldi.
Túrksib aýdanynda 5 oshaq - Altai-1 aýdany 8-úi; «Jas qanat» yqshamaýdany 86-úi; Mailin kóshesi 77-úi; Spasskaia kóshesi 63-úi; Juldyz-2 yqshamaýdanyndaǵy 45-úi belgilendi.
Bostandyq aýdanynda 1 oshaq – Turǵyt Ózal kóshesindegi 242-úi.
Aita ketý kerek, Zenkov kóshesindegi 59-úidiń turǵyny búgin jazylyp shyqqan bolatyn. Bul mekenjaidan 27 naýryz saǵat 00:00-den bastap shekteý sharalary alynady. Áiel 14 kún ishinde úi karantininde bolady, meditsina qyzmetkerleri densaýlyq jaǵdaiyna monitoring júrgizedi.
Qala biligi almatylyqtardy karantin rejimin qatań saqtaýǵa, karantindik aýmaqtyń ishinde júrýden aýlaq bolýǵa, jeke gigiena sharalaryn saqtaýǵa, týys, dos, áriptesterimen qarym-qatynasty shekteýdi suraidy. Mundaǵy maqsat – ár adamnyń ózin koronavirýs infektsiiasyn juqtyrýdan saqtaý, jaqyndary jáne ainalasyndaǵylarǵa da juqtyrý qaýpin tómendetý. Qala ákimdigi, meditsinalyq jáne sanitarlyq-epidemiologiialyq baqylaý qyzmetteri tarapynan indettiń oshaq aýmaǵynan tys jerge taralyp ketpeýi úshin kúsheitilgen is-sharalar atqarylýda.
