Almaty qalasy Taýarlar men qyzmetterdiń sapasyn baqylaý departamentiniń basshysy Aizat Moldaǵasymova brifing barysynda koronavirýstyq infektsiianyń jasyryn oshaqtaryn anyqtaý jumystary jalǵasatynyn aitty, dep habarlaidy "Ult aqparat".
«Bizdiń maqsatymyz – halyq arasyndaǵy indettiń jabyq oshaqtaryn anyqtaý, bul baǵyttaǵy tekserý jumystary jalǵasa beredi. Óitkeni keibir adamdarda bul aýrý esh belgisiz ótse, keibir turǵyndar dárigerge júginbeýi múmkin, sondyqtan osyndai oshaqtardy qatań tekserý qajet»,–deidi Aizat Moldaǵasymova.
Sondai-aq, ol ekspress-test boiynsha sońǵy táýlikte 1064 adamdy teksergenderin aitty.
«Bul áskeri institýttar, UQK akademiiasy, «Kók bazar», «Barys», «Magným» saýda oryny, bank, poshta, balalar jáne qarttar úii, 4 klinika jáne birneshe poliklinika qyzmetkerlerin qamtydyq»,– dedi ol.
