Qazaqstan densaýlyq saqtaý ministrliginiń 18 mamyrdaǵy málimetine sai, Almatyda 1961 jyly týǵan áiel adam COVID-19 dertinen qaitys boldy.
Ministrlik janyndaǵy ólim-jitimdi zertteitin arnaiy komissiia turǵynnyń ólimine "koronavirýs infektsiiasy sebep bolǵan" degen sheshim qabyldaǵan. Marqum jaily ózge derekter ázirge jariialanǵan joq.
Koronavirýstan Almaty qalasynda osymen on adam qaitys boldy.
Megapolis virýs juqtyrǵandar (1848), emdelip shyqqandar (930) jáne qaitys bolǵandar sany boiynsha el boiynsha aldyńǵy orynda tur.
Al elde virýstan barlyǵy 35 adam kóz jumdy. 6440 adam virýs juqtyrdy. 3469 adam emdelip shyqty.
Virýstan kóz jumǵan 35 adam myna aimaqtarda:
- Almaty qalasy – 10
- Shymkent qalasy – 6
- Nur-Sultan qalasy – 5
- Aqmola oblysy – 4
- Qaraǵandy oblysy – 3
- Pavlodar oblysy – 2
- Shyǵys Qazaqstan oblysy – 1
- Jambyl oblysy – 1
- Qostanai oblysy – 1
- Mańǵystaý oblysy – 1
- Túrkistan oblysy – 1
