Almaty qalalyq qoǵamdyq densaýlyq saqtaý basqarmasynyń basshysy Kamaljan Nadyrov onlain brifing barysynda koronavirýspen kúreske bólingen qarajattyń qaida jumsalǵany tekserilip jatqanyn aitty, dep habarlaidy "Ult aqparat".
Bul aqparat Facebook jelisinde taraǵan bolatyn. Aqparatqa sáikes, politsiia qyzmetkerleri basqarma ofisine kelip, kompiýterlerdi tárkilep alyp ketken.
«Iá, shynymen COVID-19 qarsy kúreske bólingen qarajattyń jumsalýyna qatysty tekserý júrip jatyr. Buǵan qatysty túsinikteme bere almaimyn. Saýaldaryńyzdy quqyq qorǵaý organdaryna qoiǵandaryńyz abzal», - dedi basqarma basshysy.
Kamaljan Nadyrov basqarmanyń shtattyq rejimde jumys istep turǵanyn aitty.
«Bul - qalypty jumys protsesi. Quqyq qorǵaý organdary biýdjet qarajatynyń qai maqsatta jumsalǵanyn tekserip jatyr. Al biz óz mindetimizdi atqarýdy jalǵastyra beremiz», - dedi ol.
