الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ ونلاين بريفينگ بارىسىندا كوروناۆيرۋسپەن كٷرەسكە بٶلٸنگەن قاراجاتتىڭ قايدا جۇمسالعانى تەكسەرٸلٸپ جاتقانىن ايتتى, دەپ حابارلايدى "ۇلت اقپارات".
بۇل اقپارات Facebook جەلٸسٸندە تاراعان بولاتىن. اقپاراتقا سەيكەس, پوليتسييا قىزمەتكەرلەرٸ باسقارما وفيسٸنە كەلٸپ, كومپيۋتەرلەردٸ تەركٸلەپ الىپ كەتكەن.
«يە, شىنىمەن COVID-19 قارسى كٷرەسكە بٶلٸنگەن قاراجاتتىڭ جۇمسالۋىنا قاتىستى تەكسەرۋ جٷرٸپ جاتىر. بۇعان قاتىستى تٷسٸنٸكتەمە بەرە المايمىن. ساۋالدارىڭىزدى قۇقىق قورعاۋ ورگاندارىنا قويعاندارىڭىز ابزال», - دەدٸ باسقارما باسشىسى.
كامالجان نادىروۆ باسقارمانىڭ شتاتتىق رەجيمدە جۇمىس ٸستەپ تۇرعانىن ايتتى.
«بۇل - قالىپتى جۇمىس پروتسەسٸ. قۇقىق قورعاۋ ورگاندارى بيۋدجەت قاراجاتىنىڭ قاي ماقساتتا جۇمسالعانىن تەكسەرٸپ جاتىر. ال بٸز ٶز مٸندەتٸمٸزدٸ اتقارۋدى جالعاستىرا بەرەمٸز», - دەدٸ ول.
